论尽母语

　　 　　@wsirsir 　　广府人将好色叫咸湿，只形容男人，叫“咸湿佬”。有人认为咸湿源自英语“handsomemaid”，呢个复合词嘅文本意义系靓女，其实指卖淫嘅咸水妹，handsome的意义是俊美，读音近咸水，正好有相关意义。 　　郑重讲句，喺上海流行嘅“handsomemaid”喺坊间只留下“handsome”，佢嘅意思引申为好色，而读音就注作“咸湿”。唔知几时传入岭南，于是粤语中留低咁古怪嘅俚语。好死唔死上海人只管创作，广府人大力推广，结果乡亲父老畀人问起点解好色叫“咸湿”就口哑哑。 　　关于咸水妹同“咸湿”嘅关系，又同当时嘅风气有关。讲起妓女，扬州帮最有名，同绍兴师爷不相上下，其次就系大同(婆娘)同广东嘅咸水妹。据美国人阿林敦嘅回忆录话：“外国人来到广州，广东妇女就迎合他们的要求，比其他省的妇女更了解外国人，白人当然欣赏。”受到赏识嘅广东女子唔单只北上十里洋场同扬州帮争食，仲去南洋甚至旧金山为妓为佣。“咸湿”呢个俚语就反映岭南妇女呢段血泪史。